WAAROM DIE #EERSTE5-STILTETYDPLAN?
Dis moeilik om in ons gejaagde lewe by gereelde stiltetyd uit te kom. En tog weet ons: Ons het God nodig. Nie net op Sondae nie, maar elke dag!
Die #Eerste5-stiltetydplan is perfek om vroue te help om stiltetyd (weer) ’n prioriteit te maak en al wat dit van jou vra, is vyf minute!
MÉÉR OOR DIÉ STILTETYDPLAN!
Moenie moedeloos raak as jy nie ’n halfuur of ’n uur opsy kan sit vir jou stiltetyd nie. Dit is nie altyd die hoeveelheid tyd wat jy bestee nie, maar die gehalte wat saak maak.
Voelgoed se geloofsmentor Liesel Krause-Wiid, Vroue wat Glo se redakteur Karien Basson, in samewerking met ander geloofsvroue soos Melissa van Biljon (Mosaiek Gemeente), Lynette Beer (motiveringspreker), Wanda Bam (radiopersoonlikheid) en Janine van Niekerk (Radiokansel) nooi vroue om die eerste vyf minute van elke dag aan God te wy.
SÓ WERK DIE #EERSTE5-STILTETYDPLAN!
Die #Eerste5-stiltetydplan sluit in ’n dagstuk vir elke weeksdag, ’n oudio vir Saterdag én ’n video vir Sondag – om vir één jaar lank te lees, te luister, te kyk én te groei op jou selfoon, tablet of rekenaar.
DAGSTUKKE vir die week – elke Maandag tot Vrydag – word deur die bekende predikant én Voelgoed se geloofsmentor Liesel Krause-Wiid saamgestel.
Luister op Saterdae ’n OUDIO deur geloofsvroue soos Melissa van Biljon, Lynette Beer, Wanda Bam en Janine van Niekerk oor hoe om God se stem in ’n besige wêreld te hoor.
As deel van #Eerste5, kan jy ook Sondae uitsien na Karien Basson, redakteur van Vroue wat Glo, se VIDEO oor Regte vroue. Regte geloof.
